"Супер концерт-2012" абдан мыкты деңгээлде өтүп, жылдын мыктылары аныкталды (Фоторепортаж)

7-8-декабрда Бишкек шаарындагы Кожомкул атындагы Спорт Ордосунда "Супер-Инфо" гезити уюштурган жыл мыктыларын аныктоочу "Супер концерт-2012" болуп өттү. "Супер-Инфо" гезитинин 10 жылдыгына карата уюштурулган 2 күндүк концертте өтүп бараткан жыл ичинде маданият, кино, шоу-бизнес, спорт тармагындагы өзүн мыкты көрсөтө алган инсандар сыйланышты. Белгилей кетсек, жылдын суперлерин аныктоо 12 адамдан турган калыстар тобу тарабынан чечилди. Бул жылы "Жылдын супер ырчы мырзасы" наамын Нурлан Насип жеңип алса, Каныкей "Жылдын супер ырчы айымы" деп табылды. "Супер-Инфонун" тандоосу боюнча 2012-жылдын мыктылары төмөнкүлөр болду:

"Жылдын супер ТВ персонасы" - Нурзат Токтосунова жана Эрмек Нурбаев;

"Жылдын супер спортчусу" - Кылычбек Саркарбаев;

"Жылдын супер дебюту" - Асел Касымова;

"Жылдын супер актёру" - Аскат Сулайманов ("Президент жана бомж" тасмасы);

"Жылдын супер актрисасы" - Марал Койчукараева ("Ээнсиреген үй" тасмасы);

"Супер ремейк" - Азамат Сарыбаев, "Бульварым" ыры;

"Жылдын супер тобу" - "Чоро" тобу;

"Жылдын сахна ажары" - Чолпонай;

"Жылдын супер күлкү жаратуучусу" - Самат Эркинбек уулу ("Тамашоу");

"Жылдын супер ыры" - "Адаштым" (Каныкей);

"Жылдын супер клиби" - "Билип жүр" (Курал Чокоев);

"Жылдын супер тасмасы" - "Президент жана бомж". 

Ошондой эле аталган гезиттин чечими менен Омар "Жылдын сахна адамы" аталса, Урмат Усенов менен Неляга "Кош жылдыз" наамы ыйгарылды. Айчүрөк Иманалиевага "Заманыбыздын супер ырчысы", "Биз" тобуна "Заманыбыздын супер тобу" сыйлыктары тапшырылды. Ал эми Дайыр Исмадияров "Жылдын каарманы" наамына ээ болду. Белгилей кетсек, "Супер-Инфо" гезити жылдын суперлерин аныктоо жөрөлгөсүн 8 жылдан бери улантып келет.

Сүрөттөргө комментарий:

1. "2012-жылдын мыкты спортчусу" наамынын ээси Кылычбек Саркарбаев.

2. "Заманыбыздын супер тобу" наамын багындырган "Биз" тобунун жигиттери.

3. Быйылкы "Жылдын сахна адамы" Омар.

4. "Жылдын супер тасмасы" сыйлыгына татыган "Президент жана бомж" тасмасынын режиссёру Ырыс Окенова жана аталган тасманын продюсери Өмүрзак Төлөбеков. 

5. "Жылдын супер актёру" наамы быйыл Аскат Сулаймановго тийди.

6. Эрмек Нурбаев "Жылтын супер ТВ персонасы" аталды.

7. Ырчы Асел Касымова "Жылдын супер дебюту" наамына ээ болуп, кубанып турган чагы.

8. Бактылуу түгөйлөр Урмат менен Неля "Кош жылдыз" сыйлыгына татыды.

9. "Заманыбыздын супер ырчысы" деген наам бул жылы Айчүрөк Иманалиеванын бактысына жазылды.

10. Сардарбек Жумалиевдин "Бульварым" аттуу ырын жаңыча ырдап чыккан Азамат Сарыбаев "Супер ремейк" наамын илип кетти.

11. Калыстар тобунун чечими менен "Чоро" тобу "Жылдын супер тобу" аталды.

12. "Жылдын мыкты күлкү жаратуучусу" болуп "тамашоучу" Самат Эркинбек уулу жеңишке жетти.

13. "Жылдын супер ыры" сыйлыгы Каныкейде.

14. "Жылдын каарманы" Дайыр Исмадияров.

15. Чолпонай - "Жылдын сахна ажары".

16. "Жылдын супер ырчы мырзасы" Нурлан Насиптин кубанычында чек жок.

17. Каныкей 3-жолу "Жылдын ырчы айымы" наамын алды.

18. Курал Чокоевдин бактылуу мүнөттөрү.

19. "Ээнсиреген үй" тасмасынын башкы каарманы Марал Койчукараева "Жылдын супер актрисасы" наамына ээ болду. 

20. Концерттин жабылышында Добр, Каныкей, Чолпонай, Дайыр Исмадияров жана Курал Чокоев "Супер-Инфонун" гимнин ырдашты. Аларды сахнада "суперчилер" коштоп турушту.