Супер фактылар: Тез татымдардын "падышасы" гамбургер тууралуу кызыктуу фактылар

Биз сүйүп жеген тез татымдардын "падышасы" гамбургер качан пайда болгонун билесизби же дүйнөдө гамбургерге арналган эстеликтер бар экенин уккансызбы? Гамбургер тууралуу кызыктуу маалыматтарды сунуштайбыз.

Мындан 122 жыл мурун, 1900-жылы 27-июлда Луи Лессинг аттуу америкалык гастроном Коннектикут штатындагы өзү төрөлгөн Нью-Хейвен шаарында дүйнөдөгү биринчи гамбургерди саткан. Ал эки тоголок булочканын ортосуна немис бифштексин коюп, соус жана салат жалбырагын кошкон.
Гамбургерлер 1904-жылы Миссури штатынын Сент-Луис шаарында өткөн дүйнөлүк көргөзмөдөн соң калың элге аты тараган.
1930-жылдардын башында Канзас шаарынын тургуну Уолтер Андерсон "White Castle Hamburger" деп аталган тез татымдар тармагын ачып, анын негизги тамагы гамбургер болгон.

Ал эми 1948-жылы бир туугандар Макдональд жана Рей Крок McDonald's тез татымдар тармагын ачышкан. Анын гамбургерлери учурда дүйнө жүзүнүн булуң-бурчунда сатылууда.
Дүйнөдөгү эң чоң гамбургер - 2012-жылы АКШнын Миннесота штатында жасалган, анын салмагы 913 килограмм, диаметри 3 метрди түзгөн.

Гамбургерге арналган бул эстелик Кытайдын Шэнъянь шаарына 2015-жылы орнотулган. Салмагы 2 тоннаны, узундугу 10 метрди түзгөн эстелик шаардын борбордук бөлүгүн көрккө бөлөп турат.

27-июлга карата жылнаама.