Акылбек Жапаров Кыргыз өлкөсүндөгү Бириккен Араб Эмираттарынын элчисин кабыл алды

Кыргыз Республикасынын министрлер кабинетинин төрагасы Акылбек Жапаров Кыргыз өлкөсүндөгү Бириккен Араб Эмираттарынын атайын жана ыйгарым укуктуу элчиси, доктор Мохамад Саид АльАрикини (резиденциясы Казакстан Республикасынын Нур-Султан шаарында) кабыл алды. Бул тууралуу министрлер кабинетинен билдиришти.

Жолугушуунун жүрүшүндө кыргыз-эмират кызматташтыгынын күн тартибиндеги маселелердин кеңири чөйрөсү талкууланды, атап айтканда соода-экономикалык жана маданий-гуманитардык кызматташтыкты өнүктүрүү маселелери талкууланды. Тараптар эки тараптуу кыргыз-эмират кызматташтыгын өнүктүрүү үчүн бардык күч-аракетти жумшоого даяр экендиктерин билдиришти.