Кытай АКШны багытын өзгөртүүгө жана сый-урматтын негизинде сүйлөшүүгө чакырды

"Өзөктүк куралды таркатпоо жөнүндө" келишимин талкуулоо иш-чарасында кытай дипломаты, АКШ курал-жаракты көзөмөлдөө кризисин башкаруу системасын түзүү жөнүндө сүйлөшүүдөн мурун багытын өзгөртүп, Кытай менен сый-урматтын негизинде сүйлөшүшү керектигин билдирди.

Орус басылмасынын жазганына караганда, "АКШ Кытай менен курал-жаракты көзөмөлдөө механизмдеринин контекстинде диалог аркылуу кризисти көзөмөлдөө деп аталган системаны түзүүгө умтулууда. Мындай практика арабаны аттын алдына койгонго тете. Бул логикалык жактан түшүнүксүз.

Курал-жарактарды көзөмөлдөө боюнча диалог бир эле тараптын каалоосу менен ишке ашпайт жана бүткүл өлкөлөрдүн ортосундагы мамилелерди эсепке албай туруп жүргүзүлбөйт. Кошмо Штаттар өз багытын өзгөртүп, өз ара урматтоо саясатын жүргүзүшү керек. Мындай сүйлөшүүлөр үчүн зарыл шарттарды жана жагымдуу атмосфераны түзүү үчүн Кытай менен жемиштүү диалогду өнүктүрүүсү зарыл", - деген кытай дипломаты.