Ысык-Көлдө 4 жаштагы кызды издеп жаткандар көлдөн башка адамдын сөөгүн табышты (абайлаңыз видео)

Ысык-Көлдө көлгө түшүп жатып дайынсыз жоголгон 4 жаштагы кызды издеп жаткан ыктыярчылар көлдөн эркек адамдын жансыз денесин табышты. Бул тууралуу ыктыярчылар социалдык тармактагы баракчасына жарыялашты.

Маалыматка ылайык, жансыз дене Балыкчы шаарындагы көлдөн табылган. Сөөктү милиция кызматкерлери алып кетти.

Эске салсак, 18-июлда 5 адамдан турган балалуу үй-бүлө көл жээкте эс алып жаткан кезде шамал болуп, көл бешөөнү тең баллондору менен кошо жээктен алыс тартып кеткен. Аларды кайыктагы жергиликтүү тургундар таап алышкан. Бирок 4 жаштагы кызды таппай калышкан. Ошондон бери кызды көлдүн бардык аймагынан издөө иштери жүрүүдө.