Баткенде өспүрүмдөргө карата көзөмөл күчөтүлдү. Себеби

Баткенде өспүрүмдөргө көзөмөл күчөтүлдү. Бул тууралуу Баткен ОИИБинин басма сөз кызматынан билдиришти.

Маалыматта айтылгандай, Баткен шаарында милиция кызматкерлери өспүрүмдөрдүн сууга чөгүү фактысынын алдын алуу боюнча Баткен, Төрт-Гүл, Кызыл-Жол каналдарында көзөмөлсүз, өз алдынча сууга түшүп жаткан өспүрүмдөргө түшүндүрүү иштерин жүргүзүүдө.

Каналдардын жээгинде жашаган үй-бүлөлөр менен профилактикалык иштер өткөрүлүп, эскертүү актылары берилип жатат.

Жергиликтүү өзүн-өзү башкаруу органдары менен биргеликте атайын рейддер уюштурулуп, кооптуу каналда сууга түшүүгө тыюу салынгандыгы боюнча балдардын ата-энелерине эскертүүлөр берилгени айтылат. Ошондой эле канал жээгинде жашаган 37 кожолук текшерилип, 73 жаран 18 өспүрүмгө түшүндүрүү иштерин жүргүзгөнү маалымдалат.