Панамада президенттикке талапкер отурган тик учак кулады

Панаманын президенттигине талапкер Димитри Флорес бараткан тик учак жунгли токоюнда кырсыкка кабылды. Бул тууралуу чет элдик басылмалар жазышты.

Маалыматка ылайык, учак кырсыгы кечээ, 17-августта болгон. Учактын бортунда саясатчыдан башка дагы беш адам болгон, алардын баары аман калган.

Флорес өзү тик учак кырсыгы тууралуу социалдык тармактагы баракчасына жазып, жардам сураган.

"Биз бул жерде, тоодо 4500 метр бийиктикте кырсыкка кабылдык. Тик учак кулап түштү. Бизге куткаруучуларды жөнөтүп коюңуздар. Жабырлануучулардын буту, колу сынган", - деп жазган ал.

Кийинчерээк жабыркагандарды Панаманын Улуттук авиация жана деңиз кызматынын кызматкерлери таап, эвакуациялап, бардык жабырлануучулар ооруканага жеткирилген.