Мукаш Абдраев атындагы музыкалык мектеп-интернатынын директору бош кызмат орунуна сынак жарыяланды

Бишкектеги Мукаш Абдраев атындагы республикалык атайын орто музыкалык мектеп-интернатынын директору бош кызмат орунуна документтерди кабыл алууну жарыялады. Бул тууралуу Маданият, мааалымат, спорт жана жаштар саясаты министрлигинен кабарлашты.

Интернаттын директорунун кызмат орунуна төмөнкүдөй квалификациялык талаптар коюлган:

“Маданият жана искусство” багыты боюнча жогорку кесиптик билими бар болушу зарыл;
жетекчилик кызмат орундарында иш стажы 3 жылдан кем эмес же педагогикалык стажы 5 жылдан кем эмес.

Сынакка катышуу үчүн төмөнкү документтерди тапшыруу керек:

М.Абдраев атындагы республикалык атайын орто музыкалык мектеп-интернатын өнүктүрүү программасы;
резюме (байланыш телефон номерин, электрондук почтаны көрсөтүү менен),
автобиография (соттуулугу бар же жок экендиги жөнүндө маалыматтарды көрсөтүү менен);
кадрларды эсепке алуу баракчасы;
нотариус же акыркы иштеген жери боюнча күбөлөндүрүлгөн негизги жана кошумча билимин (бар болсо) тастыктаган документтердин көчүрмөлөрү;
нотариус же акыркы иштеген жери боюнча күбөлөндүрүлгөн эмгек китепчесинин көчүрмөсү;
илимий даражаны жана илимий наамды ыйгаруу жөнүндө документтердин көчүрмөлөрү (бар болсо);
паспорттун көчүрмөсү.

Бардык документтер папкага тиркелип, Маданият, маалымат, спорт жана жаштар саясаты министрлигинин Адам ресурстарын башкаруу бөлүмүнө 2022-жылдын 29-августуна чейин тапшырылууга тийиш.

Байланыш телефону: +996 312 662683.