Талас. Өрт өчүрүүчүлөр таймашат

Талас облустук Өрткө каршы мамлекеттик кызмат башкармалыгынын жетекчисинин орун басары, подполковник Нурдин Жолоев билдиргендей, 1-ноябрда Талас облустук Өрткө каршы мамлекеттик кызмат башкармалыгы облустук деңгээлдеги спорттук мелдеш уюштурат. Ага облустагы 4 райондун жана Талас шаарынын өрт өчүрүүчү командалары катышат. Мелдеш өз ичине спорттун футбол, волейбол, 100 метр аралыкка тоскоолдуктардан ашып чуркоо жана башка түрлөрүн камтыйт. Ал Таластын “Динамо” стадионунда өтүп, жеңүүчүлөрдү грамота жана акчалай сыйлыктар күтөт.