Таласта зордуктоого кабылды делген жашы жете элек кыз Бишкекте көз жарды

Таласта зордуктоого кабылган 17 жаштагы кыз Бишкектеги төрөт үйлөрдүн биринде көз жарды. Маалыматты Саламаттыкты сактоо министрлигинен тастыкташты.

Айтымдарында, өспүрүм кыз кесарево жолу менен эркек баланы жарык дүйнөгө алып келгени айтылды.

Белгилесек, буга чейин, 28-июнь күнү Талас РИИБинин нөөмөт бөлүмүнө Талас районунун Манас айылынын 2005-жылы туулган Ж.Ю. аттуу тургуну кайрылган. Анда ал ушул эле айылдын тургуну, 2003-жылы туулган С.Ш. аттуу баладан кош бойлуу болуп калгандыгын билдирген.

Бул факты Талас РИИБинде маалыматтардын электрондук журналына катталып, тергөөгө чейинки текшерүү иши башталган. Анын жүрүшүндө 24 жумалык кош бойлуу экендиги аныкталган. Кылмыш-жаза кодексинин 154-беренеси "зордуктоо" боюнча кылмыш иши козголуп, тергөө амалдары жүргүзүлүүдө.