Казакстандын Костанай облусундагы ири өрттөн 3 миңден ашык адам эвакуацияланды

Коңшу Казакстандын Костанай облусунда ири өрт кырсыгы катталып, анын аянты 43 миң гектарга жетти. Бул тууралуу Казакстандын жергиликтүү басылмалары жазып чыгышты.

Маалыматка ылайык, өрттү өчүрүүгө 32 техника, 3 учак, 3 өрт өчүрүүчү поезд, 235 адам тартылган. Техникалар сууну 25 чакырым алыстыктагы табигый суу сактагычтан ташып келүүдө.

Учурда аталган облуста абанын температурасы +38 градуска жетти.

Өрттөн улам 3 миңден ашуун жергиликтүү тургундар эвакуацияланып, 84 жаштагы адам каза болду.