Жаңы дайындалган саламаттык сактоо министри Гүлнара Баатырованын өмүр баяны

Кечээ, 7-сентябрда Жогорку Кеңеш Саламаттык сактоо министри кызмат ордуна Гүлнара Баатырованы дайындоо сунушун жактырды.

Өмүр баяны:

Ал 1963-жылы 29-октябрда Ош облусунда туулган. 1986-жылы Кыргыз мамлекеттик медицина институтун аяктаган. Жогорку билимдүү.

Эмгек ишмердүүлүгү:

1986-1988-жылдары Бишкектеги №2 шаардык клиникалык ооруканасында дарыгер;

1988-1993-жылдары Кара-Суу райондук үй-бүлөлүк дарыгерлер борборунда терапевт;

1993-1997-жылдары Кара-Суу райондук үй-бүлөлүк дарыгерлер борборунда терапевттик бөлүмдүн башчысы;

1997-2001-жылдары Кара-Суу райондук үй-бүлөлүк дарыгерлер борборунун башчысы;

2001-2013-жылдары Кара-Суу райондук үй-бүлөлүк медицина борборунун директору;

2004-2011-жылдары Кара-Суу шаардык кеңешинин депутаты;

2009-жылы Кара-Суу шаардык кеңешинин төрайымы;

2011-2021-жылдары Борбордук шайлоо комиссиясынын мүчөсү;

2013-2022-жылдары Саламаттык сактоо министрлигине караштуу медициналык аккредитациялоо комиссиясынын төрайымы.

Гүлнара Баатырова Жогорку Кеңеш, БШКнын Ардак грамоталарына татып, ага "Саламаттык сактоонун мыктысы" наамы ыйгарылган.