Кыргыз курамасынын машыктыруучусунун атасы каза болду. Акжол Махмудов жеңишин анын жаркын элесине арнады

Дүйнө чемпиону Акжол Махмудов жеңишин күрөш боюнча Кыргыз улуттук курама командасынын улук машыктыруучусу Улукбек Карачолоковдун жакында эле каза болгон атасына арнады.

"Мен өзгөчө бир жагдайды белгилегим келет. Жакында машыктыруучубуз Улук агайдын атасы каза болду. Бул жеңишимди ага арнагым келет. Ал мыкты машыктыруучуну тарбиялады. Улук агай мыкты машыктыруучулардын бири", - деди жеңишинен кийинки маегинде Акжол Махмудов.

Улукбек Карачолоков күрөш боюнча Кыргыз улуттук курама командасынын улук машыктыруучусу. Ал Белградда өтүп жаткан Дүйнө чемпиондугуна барган жок.