"Кыздар күтпөгүлө". Акжол Махмудовдун атасы уулу качан үйлөнөрүн айтты (видео)

Бүгүн, 15-сентябрда эртең менен Дүйнө чемпиону Акжол Махмудов баштаган балбандарды "Манас" аба майданынан активисттер жана күйөрмандар салтанат менен тосуп алышты.

Анда балбан Акжол Махмудовдун атасы Мухамед Махмудов уулу качан үйлөнөрүн айтты.

"Акжол быйыл үйлөнбөйт, менин билишимче, сүйлөшкөн кызы жок. Ал машыктыруучусу менен сүйлөшкөн экен, тагыраагы уулума "эгер Дүйнө чемпиону болуп калсаң, анда үйлөнгөнгө уруксат берем" дептир. Кыздарга айтып коёюн, быйыл күтпөгүлө, Акжол үйлөнбөйт. Кийинки жылга деле мүмкүнчүлүк жок. Париж олимпиадасынан кийин үйлөнүп калышы мүмкүн", - деди ал.