Сербиядан келген спортчулар жеңиштен кийин эмне кылышат?

Бүгүн, 15-сентябрда күрөш боюнча Дүйнө чемпиондугунун жеңүүчүлөрү, байге ээлери Бишкекке келишти. Аларды "Манас" аба майданынан активисттер, күйөрмандар жана алардын жакындары салтанаттуу түрдө тосуп алышты.

Дүйнө чемпиондугунда грек-рим күрөшү боюнча коло байгеге ээ болгон Амантур Исмаилов 1-2 жумалык тыныгуудан кийин Дүйнө Кубогуна даярданып, кайрадан машыгууларды баштаарын айтты.

"Биздин алдыда дагы мелдештер бар. Ноябрь айынын ортолорунда Дүйнө Кубогу болот. Ошол турнирлерге даярданабыз. Даярданбагандар эс алышат. 1-2 жумадан кийин эле машыгууну баштайбыз", - дейт ал.