Кытайдын түштүгүндө 42 кабаттуу имараттан ири өрт чыкты

Кытайдын түштүгүндө көп кабаттуу үйдөн ири өрт чыкты. Бул тууралуу чет элдик басылмалар жазып чыгышты.

Маалыматка ылайык, Кытайдын Чанша шаарында "China Telecom" компаниясынын 42 кабаттуу имаратында ири өрт чыккан. Бүгүн,16-сентябрда жергиликтүү убакыт боюнча 15:48де Чанша шаарынын өрт-куткаруу кызматына China Telecom компаниясынын көп кабаттуу имаратында өрт чыкканы тууралуу билдирүү келип түшкөн.

Бийиктиги 218 метрди түзгөн имарат 42 кабаттуу, эки кабат жер астынан турат. Алдын ала маалыматтарга караганда, өрт имараттын сыртынан чыккан. Өрттү өчүрүүгө 17 өрт өчүрүү бөлүмү, 36 техника жана 280 куткаруучу тартылган. Жабыркагандар жана жабыркагандар тууралуу азырынча маалымат жок.

Ал эми Кытайдын борбордук телевидениесинин тараткан маалыматында учурда имараттан коюу түтүн чыгып жатканы, бир нече ондогон кабаттар күйүп кеткени айтылат.