Билим берүү жана илим министрлигине жаңы жетекчи дайындалды

Уланбек Мамбетакунов билим берүү жана илим министринин милдетин аткаруучу болуп дайындалды. Бул тууралуу президенттин администрациясынан билдиришти.

Маалыматка ылайык, президент Садыр Жапаров кол койгон жарлыкка ылайык, Мамбетакунов Уланбек Эсенбекович билим берүү жана илим министринин милдетин аткаруучу болуп дайындалды.

Уланбек Мамбетакуновдун талапкерлиги билим берүү жана илим министринин кызматына дайындоо үчүн Жогорку Кеңешке макулдашуу үчүн киргизилет.