"Жеке чечимим". Талант Мамытов төрагалык кызматтан кетти

Жогорку Кеңештин төрагасы Талант Мамытов кызматын тапшырды. Бул тууралуу ал бүгүн Жогорку Кеңештин жыйынында билдирди.

"Бүгүн ойлонуп, өз ыктыярым менен кызматтан кетүүгө чечим кабыл алдым. Бул менин жеке чечимим. Бүгүндөн баштап төрагалык кызмат бош", - деди Мамытов.

Өз кезегинде депутат Жанар Акаев күн тартибине жаңы төраганы бекитүү боюнча маселени киргизүү керектигин айтты.