Химия боюнча Нобель сыйлыгынын ээлери аныкталды

2022-жылдагы химия боюнча Нобель сыйлыгы америкалык Кэролайн Бертоцци менен Барри Шарплесске жана даниялык Мортен Мелдалга молекулаларды жасоочу куралдар боюнча эмгеги үчүн ыйгарылды. Бул тууралуу Стокгольмдогу Швециянын Королдук илимдер академиясынын химия боюнча Нобель комитети билдирген.

"Химиктер татаал молекулаларды курууга умтулуп келишет. Бул көптөгөн кереметтүү молекулярдык конструкцияларга алып келди, бирок алар көп убакытты талап кылат жана өндүрүү үчүн абдан кымбат. Быйылкы химия сыйлыгы ишти татаалдаштырбай, жеңил жана жөнөкөй нерселер менен иштөөнү көздөйт”, - деди химия боюнча Нобель комитетинин төрагасы Йохан Оквист.

Ошондой эле ал быйылкы жылдын лауреаттары молекулаларды түзүүнүн функционалдык ыкмасына салым кошушканын белгилеп өткөн.

"Изилдөөчүлөр иштеген реакциялар дүйнөдө клеткаларды изилдөө жана биологиялык процесстерге көз салуу үчүн колдонулат" деген ал.