"Эки ящик автомат алып келерин билген эмесмин". Талант Мамытов кызматтан кетиши боюнча үн катты

Жогорку Кеңештин мурдагы төрагасы Талант Мамытов журналисттерге төрагалык кызматтан эмне себептен кеткенин айтты.

"Парламентке эки ящик автомат алып келишти. Ал убакта чек арада абал оор болчу. Мен жооп ала албаган көп суроолор болду. Мыйзам чыгаруу органынын башчысы катары мен парламент алдында жооп берем. Мага керектүү жоопторду албагандан кийин ушундай чечимге келдим", - деди Талант Мамытов.

Ошондой эле ал парламентке эки ящик автоматтын кириши боюнча дагы үн катты.

"Жетекчи катары мага чек арадагы окуялар боюнча маалымат берилет деп айтышкан, бул жашыруун мүнөзгө ээ. Мен автомат алып келерин билген эмесмин", - деди Жогорку Кеңештин мурдагы төрагасы.

Эске салсак, Талант Мамытов кызматтан 5-октябрда өз каалоосу менен кеткен.