Футбол: “Илбирс” командасы өспүрүмдөр арасында өлкөнүн чемпиону болду

“Илбирс” командасы 16 жашка чейинки өспүрүмдөр арасында футбол боюнча өлкөнүн чемпиону болду. Бул тууралуу Кыргыз футбол бирикмеси билдирет.

Жогорку лиганын финалдык этабы Кант шаарында 11-14-октябрь күндөрү өттү.

Финалдык этапка 4 команда катышты: А зонасынан “Дордой” жана “Илбирс”, В зонасынан “Каганат” жана “Шахтёр Кызыл-Кыя” командасы.

Чемпионаттын жыйынтыгы менен 1-орунда “Илбирс” командасы; 2-орунда “Каганат”; 3-орунда “Дордой”; 4-орунда “Шахтёр” командасы.