2023-жылы Москвада иштеген мигранттарга патент 6600 рублга чейин көтөрүлөт

2023-жылы Москвада иштеген эмгек мигранттарынын патенти 6600 рублга чейин көтөрүлөт. Бул тууралуу Москванын экономикалык саясат жана өнүктүрүү бөлүмүнүн башчысынын орун басары Дарья Мурченко билдиргенин орус басылмалары жазышты.

"2022-жылы Москвадагы эмгек мигранттарынын расмий маянасы 11,5 пайызга өскөн. Буга байланыштуу патенттин баасын пропорционалдуу түрдө айына 6600 рублга чейин көтөрүү сунушталууда", - деген ал.

Быйыл, 2022-жылы Москвада мигранттар үчүн патент айына 5900 рублду түзөт.

Мурченко белгилегендей, патенттин баасын көтөрүү мигранттардын салык жүгү менен орусиялыктардын салык жүгүн теңдөөгө жардам берет. Патент үчүн төлөм толугу менен Москванын бюджетине түшөт. Патент баасын көтөрүү менен Орусиянын бюджети кошумча 3 миллиард рубль болору айтылды.