Садыр Жапаров Камбоджанын премьер-министрин куттуктады

Өлкө башчы Садыр Жапаров Камбоджанын премьер-министри Хун Сенди өлкөнүн көз карандысыздыгын калыбына келтирүү күнү менен куттуктады. Бул тууралуу президенттик администрациядан билдиришти.

"Камбоджа королдугунун улуттук майрамы — Көз карандысыздыгын калыбына келтирүү күнү менен кыргыз элинин жана өзүмдүн атымдан чын дилимден куттуктайм.

Биргелешкен аракеттерибиз менен эки өлкөнүн ортосундагы зор потенциалга ээ болгон мамилелер саясий өз ара ишенимдин жана урматтоонун алкагында мындан ары да чыңдала берет деп ишенем", - деп айтылат куттуктоо телеграммасында.

Садыр Жапаров Хун Сенге ийгилик, чың ден соолук жана бакубатчылык, ал эми дос Камбоджа элине тынчтык жана өнүгүү каалады.