"Учактын 6 отургучун алып салууга туура келди". Дүйнөдөгү эң узун кыз алгачкы жолу учакка отурду

Түркиянын Карабүк провинциясынын тургуну, 2021-жылы дүйнөдөгү эң узун аял катары "Гиннесстин рекорддор китебине" кирген Румейса Гелги биринчи жолу учакка отурду. Бул тууралуу чет элдик басылмалар жазышты.

Маалыматта айтылгандай, ал алгачкы учуусун сентябрдын аягында Turkish Airways учагында жасаган. Америкалык New York Post басылмасынын маалыматы боюнча, Стамбулдан Сан-Франциского болгон аба сапары 14 саатка созулган.

Анын саякаты ыңгайлуу болушу үчүн авиакомпания эконом-класстын алты отургучун алып салып, алардын ордуна Румейса үчүн атайын жасалган керебет коюуга туура келген.

25 жаштагы кыз алдыдагы алты айды АКШда өткөрүүнү пландап жатканын, азыр Калифорнияны кыдырып жатканын айткан.

Румейса сейрек кездешүүчү генетикалык оору менен жабыркайт. Ал Уивер синдрому деп аталган сөөктүн ашыкча өсүшүнө алып келет. 17 жашында кыз дүйнөдөгү эң узун өспүрүм деп табылган.

Учурда Румейса Гелгинин бою 215,16 сантиметр. Ал технологиялык программалык камсыздоо тармагында иштейт. Ал майыптар коляскасын айланып өтүү үчүн колдонот, бирок таяк менен да баса алат.