Зеленський Орусия менен тынчтыкка келүү үчүн 5 негизги шартын атады

Украинанын президенти Володимир Зеленський өзүнүн Телеграм каналы аркылуу кайрылуусунда Москва менен сүйлөшүүлөргө кандай шарттарда даяр экенин айтты.

Зеленськийдин айтымында, сүйлөшүүлөр төмөнкү шарттарда мүмкүн: Орусияга кошулган аймактарды кайтарып алуу менен Украинанын аймактык бүтүндүгүн калыбына келтирүү;

БУУга сый-урмат менен мамиле кылуу;

Бардык жоготуулардын ордун толтуруу;

Ар бир согуш кылмышкерин жазалоо;

Бул эч качан кайталанбайт деген кепилдик.

"Биз үчүн эң башкы максат Орусия бүткүл дүйнөгө туруксуздук алып келип жатканын жана анын агрессиясы жөнүндө дүйнөгө маалымат берүү", - деп кошумчалаган ал.

Буга чейин Украинанын президенттик аппаратынын жетекчисинин кеңешчиси Михаил Подоляк Украина Орусия менен сүйлөшүүдөн баш тартпай турганын, бирок адегенде Кремль өз аскерлерин басып алган аймактардан чыгарып кетүүсү керек экендигин билдирген.