УКМК: "Баасы 4 миллион сомдон ашык дары-дармектер менен контрабандалык жүккө бөгөт коюлду"

Баасы 4 миллин сомдон ашык дары-дармектер менен контрабандалык жүккө бөгөт коюлду. Бул тууралуу УКМКнын басма сөз кызматынан билдиришти.

Маалымдалгандай, кечээ, 14-ноябрда "Чоң-Капка унаа жол" постунда Кыргызстандын А.Б. аттуу жаранынын башкаруусундагы "Мерседес-Бенц" үлгүсүндөгү мамлекеттик номурлуу жүк ташуучу унаа токтотулган.

Айдоочу көрсөткөн документтерде жүк үй буюмдары катары көрсөтүлгөн. Бирок унааны текшерүүдө тиешелүү уруксат кагаздары жана коштоочу документтери жок болгон болжол менен баасы 4 000 000 сомдон ашык дары-дармек жана башка товарлар табылган.

Азыркы учурда бул факты боюнча салык төлөөдөн качуу түрүндөгү зыяндын өлчөмүн аныктоого багытталган сотко чейинки өндүрүш иштери жүрүп жатат.