Кыргызстанда сутка ичинде 14 өрт кырсыгы катталды

Кыргызстанда сутка ичинде 14 өрт кырсыгы катталды. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, өрттү өчүрүүгө 16 бөлүм тартылган.

"Чүй облусунда 4, Ош облусунда 4, Жалал-Абад облусунда 5, Баткен облусунда 1 өрт кырсыгы катталган", - деп айтылат билдирүүдө.

Чүй облусунун Аламүдүн районундагы Кыргызстан конушунда жалпы аянты 40 чарчы метр жыгач устундуу темир менен жабылган турак үй толугу менен күйгөн. Өрт мешти пайдаланууда өрт коопсуздугу эрежесинин бузулушунан келип чыккан.

Ош облусунун Кара-Кулжа районундагы Сары-Булак айылында эки кабаттуу турак үйдүн 15 чарчы метр балкону күйгөн. Өрттүн себеби такталууда.

Жалал-Абад облусунун Базар-Коргон шаарында жыгач устундуу шифер менен жабылган турак үйдүн 26 чарчы метр чатыры жана 12 чарчы метр бир бөлмөсү күйгөн. Өрт электр жабдууларын куроодо эреженин бузулушунан келип чыккан.

Баткен облусунун Баткен районундагы Паскы-Арык айылында турак үйдүн бир бөлмөсүнүн 4 чарчы метр шыбы күйгөн. Өрт жылытуучу мештер менен морлордун туура эмес түзүлүшүнөн келип чыккан.