Садыр Жапаров Жамааттык коопсуздук кеңешинин сессиясына катышуучу делегация башчыларын тосуп алуу аземине катышты

Өлкө башчы Садыр Жапаров бүгүн, 23-ноябрда Ереван шаарында өтүп жаткан Жамааттык коопсуздук келишими уюмунун Жамааттык коопсуздук кеңешинин сессиясына катышуучу делегация башчыларын тосуп алуу аземине катышты. Бул тууралуу президенттик администрациядан билдиришти.

Имараттын кире беришинде ЖККУ өлкөлөрүнүн лидерин Армениянын премьер-министри Никол Пашинян тосуп алды.

Учурашуу жана биргелешип сүрөткө түшүү аземи аяктагандан кийин мамлекеттердин башчылары ЖККУ ЖКК тар курамдагы сессиясына катышуу үчүн залга өтүштү.