ЖККУ кыргыз-тажик чек арасындагы кырдаалды жөнгө салууга көмөктөшүүгө даяр экендигин дагы бир жолу белгиледи

Жамааттык коопсуздук келишим уюму (ЖККУ) Кыргызстан менен Тажикстандын чек арасындагы кырдаалды жөнгө салууга көмөктөшүүгө даяр. Бул тууралуу бүгүн, 23-ноябрда ЖККУнун башкы катчысы Станислав Зась ЖККУнун Коопсуздук кеңештеринин катчыларынын комитетинин биргелешкен жыйынында билдирди.

"Борбордук Азия чөлкөмүндө биз тажик-кыргыз чек арасындагы кырдаалды жөнгө салууга өзгөчө маани беребиз. Биз ЖККУ эки мамлекетке бул максатка жетүү үчүн жардам көрсөтүү үчүн зарыл ресурстарга жана тажрыйбага ээ деп эсептейбиз, албетте, эгерде Тажикстан жана Кыргызстан муну зарыл деп эсептесе", - деп баса белгиледи Зась.

Ошондой эле ал аймакта террордук аракеттердин жайылуу коркунучу бар экендигин белгиледи.

"Буга байланыштуу тажик-ооган чек арасында чек ара коопсуздугун күчөтүү маселеси көз жаздымда калбайт", - деп кошумчалаган ал.