Бүгүн Иран менен АКШ 1/8 финалга жолдомо үчүн ат салышат (Оюндардын графиги)

Бүгүн, 29-ноябрда Катарда өтүп жаткан футбол боюнча Дүйнөлүк чемпионаттын алкагында тайпалык баскычтын 3-туру башталат.

А жана В тайпаларында 1/8 финалына кимдер чыгары аныкталат.

Эскерте кетсек, бул тайпада бир дагы команда плей-оффко жолдомо алган эмес.

Катар курамасы гана эки оюн катары менен утулуп, тайпалык баскычтан кийин оюнун аяктайт.

Калган командалардын биринчилик күрөштү улантууга мүмкүнчүлүгү бар.

29-ноябрдагы беттештердин графиги:

21:00 Эквадор – Сенегал, А тайпасы

21:00 Нидерланды – Катар, А тайпасы

01:00 Иран – АКШ, В тайпасы

01:00 Уэльс – Англия, В тайпасы

Футбол боюнча Дүйнө чемпионаты 20-ноябрда башталган болсо, 18-декабрда жыйынтыкталат.