Денис Петрашов сууда сүзүү боюнча дүйнө чемпионатына катышат

Сууда сүзүү боюнча өлкө курама командасынын мүчөсү Денис Петрашов Австралияда өтө турган дүйнө чемпионатына катышат. Бул тууралуу Дене тарбия жана спорт департаментинен билдиришти.

Маалымдалгандай, иш-чара 13-18-декабрь күндөрү Мельбурн шаарында өтөт.

"Петрашов 50, 100, 200 метр аралыктарга брасс ыкмасы менен сүзөт", - деп айтылат маалыматта.

Спортчу башкы машыктыруучу Евгений Петрашовдун жетекчилиги астында мелдешке катышат.

Белгилей кетсек, мелдешке 173 өлкөдөн 850 спортчу катышат. Ал эми жалпы байге фонду 2 миллион долларды түзөт.