Индияда 20 жаштагы актриса табышмактуу түрдө каза болду

Индиянын Васаи шаарында 20 жаштагы актриса Туниша Шарма табышмактуу түрдө каза болду. Бул тууралуу чет элдик басылмалар жазышты.

Андагы маалыматта, актрисанын жансыз денеси актёр Мохаммеда Кхананын гримёркасынан табылган. Ал Васаи шаарында тасмага тартылып жаткан. Анын өзүнүн жанын кыйгандыгы айтылууда. Бирок кесиптештери жана күйөрмандары Туниша мындай кадамга барбай тургандыгын айтышкан. Себеби ал тасмага тартылуу маалында аябай шайыр жүргөн.

Учурда полиция Мохаммеда Кханды жана тасмага тартылып жаткан бардык адамдарды суракка алууда.

Кесиптештери болгон окуяга таң калып жатышат. Анткени Туниша Шарма индиялык кинодо эң таланттуу актрисалардын бири болгон. Ал үчүн чоң үмүттөр бар болчу. Кошумчалай кетсек, актриса 21 жашына 11 гана күн жетпей калды.