Лионель Месси Пеленин өлүмү боюнча билдирүү жасады

Франциянын "ПСЖ" футболдук клубунун жана Аргентина курамасынын чабуулчусу Лионель Месси легендарлуу бразилиялык футболчу Пеленин өлүмү боюнча билдирүү жасады.

"Жаткан жериң жайлуу болсун, Пеле", - деп жазды Месси социалдык тармактагы баракчасына.

Эске салсак, кечээ, 29-декабрда Пеле 82 жашында каза болгон. Өмүрүнүн акыркы жылдарында футбол падышасы ден соолугуна байланыштуу көйгөйлөргө туш болгон, атап айтканда, ага жоон ичеги шишиги деген диагноз коюлган.

26-декабрда интернет айдыңында Пелени акыркы сапарга узатуу үчүн даярдык көрүлүп жаткан видео тараган.

Белгилей кетсек, ал рак илдети менен ооруп келген жана соңку бир айга жакын убакыттан бери ооруканада жаткан.