"Аппак кар, ыр, бий..." Бишкекте Жаңы жылдык майрамдык кече кызуу уланып жатат (фото, видео)

Бүгүн, 31-декабрда Бишкек шаарында Жаңы жыл майрамына карата концерттик программа тартууланып жатат. Бул тууралуу калаа мэриясынын маалымат кызматынан билдиришти.

Белгиленгендей, калаа тургундары жана коноктору үчүн уюштурулган кеченин алкагында маданият өкүлдөрү тарабынан жаңы жылдык маанай тартууланууда. Алардын катарында Динара Акулова, Нурлан Насип, Аваз Акимов, Айдана Дека жана башкалар бар. Концерттик программа саат 19:00дө башталган.

Жаңы жылдык иш-чара саат 00:00дө жаңы 2023-жылды тосуу жана майрамдык фейерверк менен аяктайт.

Мэриядан кошумчалашкандай, шаардыктардын ыңгайлуулугу үчүн автобус, троллейбус каттамдары саат 01:00гө чейин иштейт.

Ал эми Бишкек шаардык милициясынын 1000дей кызматкери шаардыктардын коопсуздугун камсыздап жатса, жоголгон баланы издөөгө өспүрүмдөр менен иштөө инспекциясынын кызматкерлери көмөктөшүп жатышат.

Майрамдык иш-чара өтө турган жерде тез жардам жана өрт өчүрүү кызматынын кызматкерлери нөөмөттө турушат.