Кочкордо жөө адамды өлтүрө сүзүп качып кеткен айдоочу кармалды

Кочкор районунда жөө жүргүнчүнү сүзүп, окуя болгон жерден из жашырып кеткен айдоочу кармалды. Бул тууралуу Жол кыймылынын коопсуздугун камсыздоо башкармалыгынан билдиришти.

Билдирүүгө ылайык, кечээ, 5-январда саат 22:15 чамасында Кочкор-Арал жолунун 22-чакырымында айдоочу жаранды сүзүп, окуя болгон жерден качып кеткен. Кырсыктын кесепетинен 35-40 жаш чамасындагы жаран окуя болгон жерден каза болгон.

Бул факты боюнча издөө иш-чаралары жүрүп, кылмышка шектүү катары Howo үлгүсүндөгү оор жүк ташуучу унаанын 1995-жылы туулган Б.у.А аттуу айдоочусу кармалды.

Кармалган жаран тергөө кызматына өткөрүлүп берилди.