Жайыл районунун тургуну өз эрки менен милицияга курал тапшырды

Чүй облусундагы Жайыл районунун тургуну милицияга өз эрки менен курал тапшырды. Маалыматты Чүй облустук ички иштер башкы башкармалыгынын басма сөз кызматы билдирди. 6-декабрда Жайыл райондук ички иштер башкармалыгына бир аял кайрылган. Ал 20-ноябрь күнү Ак-Башат айылында ок атуучу курал таап алгандыгын айткан. Факт боюнча текшерүү жүрүп жатат. Чүй ОИИБ куралды өз эрки менен тапшыргандарга мыйзамга ылайык сыйлык каралгандыгын билдирди.