Бишкекте курсант Айза Улан кызын өлтүрө сүзүп, качып кеткенге шектүү айдоочу кармалды

Бишкек шаарында Ички иштер министрлигинин Академиясынын курсант кызын сүзүп, качып кеткенге шектүү жаран кармалды. Бул тууралуу Жол кыймылынын коопсуздугун камсыздоо башкармалыгынан билдиришти.

Билдирүүгө ылайык, кырсык 9-январь күнү болгон. Анда Ички иштер министрлигинин Академиясынын 24 жаштагы курсанты Айза Улан кызы Республика жана Жибек-Жолу көчөлөрүнүн кесилишинде өтүп бара жатканда унаа сүзүп кеткен. Айдоочу окуя болгон жерден качып кеткен. Кыз алган жаракатынан улам каза болгон.

24 жаштагы кызды сүзүп кеткенге шектелип 1974-жылы туулган У.Н. аттуу жаран кармалды.Учурда кармалган жаран Тергөө кызматына өткөрүлүп берилди.