Бишкекте адам өлтүрүү боюнча дагы бир факты катталды

  Свердлов райондук укук коргоо кызматкерлери тарабынан адам өлтүрүү фактысы боюнча кылмыштын бети ачылды. Бул тууралуу бүгүн Бишкек шаардык ИИББинин басма сөз кызматы билдирди. Үстүбүздөгү жылдын 1-декабрь күнү Сүйүнбаев көчөсүндөгү батирлердин биринде 1986-жылы туулган Э.Мариза аттуу айымдын денеси табылган. Бул факт боюнча Кылмыш кодексинин 97-беренеси боюнча кылмыш иши козголуп, тергөө иштери башталды. Аталган кылмышка шектүү делип 1984-жылы туулган Т.Камалдин кармалып, Свердлов райондук соттун чечими менен 2 айга СИЗО-1ге камакка алынды. Ошондой эле окуя болгон күнү жабырлануучунун алтын жасалгалалары, акчасы жана уюлдук телефону уурдалып кеткен. Учурда тергөө иштери жүрүүдө.