Индия калкынын саны боюнча Кытайды басып өттү

Индия мамлекети калкынын саны боюнча буга чейин дүйнөдө биринчи орунда турган Кытайды артта калтырды. Бул тууралуу чет элдик басылмалар жазышты.

Маалыматка ылайык, 2022-жылдын аягында Индиянын калкынын саны 1 миллиард 417 миллион адамга жеткен. Бул Кытайдын калкынан 5 миллионго көп.

Бириккен улуттар уюму Индияны Кытайды басып өтүп, дүйнөдөгү калкынын саны боюнча лидери болорун болжолдогон. Бирок божомол алда канча эрте келген. Бүгүн, 18-январга карата Индиянын калкы дагы да өсүп, 1 миллиард 423 миллионго жетти.

"2022-жылы Кытайдын калкы өткөн жылга салыштырмалуу 850 миң адамга азайып, 1 миллиард 411 миллион 750 миң адамды түздү", - деп айтылат Кытайдын Мамлекеттик статистика бюросунун маалыматында.

Муну менен Кытайдын калкы 1960-жылдардан бери биринчи жолу кыскарды.