Криштиану Роналду ашпозчу издеп жатат. Айлык акы жарым миллион

Португалиялык атактуу футболчу Криштиану Роналду Сауд Арабиядагы жаңы хан сарайына суши боюнча ашпозчу издеп жатат. Бул тууралуу чет элдик спорттук басылмалар жазып чыгышты.

"Криштиану Роналду жана анын жубайы Жоржина салттуу португал тамактарын гана эмес, даамдуу суши жасай алган ашпозчуну издеп жатышат", - деп жазылат маалыматта.

Роналдунун негизги үй-бүлөлүк резиденциясына айланышы керек болгон үйдүн курулушу июнь айында бүткөрүлүшү пландалууда. Анын хан сарайындагы бир катар кызматтарга сынак жарыяланды.

Алсак, Роналдуга ашпозчу болгон жаран бир айда 4500 фунт стерлинг алат (477 миң сом). Ошондой эле короо тазалаганга дагы сынак жарыяланган. Ага өткөн адам айына 5500 фунт стерлинг алат (583 миң сом).