"Барселонанын" легендарлуу оюнчусу сексуалдык жаңжалга байланыштуу кармалды

Белгилүү бразилиялык футболчу Дани Алвес Барселонада полиция тарабынан камакка алынды. Бул тууралуу чет элдик спорттук басылмалар жазышты.

Маалыматка ылайык, ал сексуалдык зордуктоо боюнча айыпталууда. 39 жаштагы футболчу 2022-жылдын аягындагы бул жаңжалдуу окуяга туш болгон.

Полицияга арыз жазган аял футболчу аны атактуу Саттон түнкү клубунда зордуктаганын айткан. Дани Алвес өзү бул түнкү клубда 30-декабрда болгонун моюнуна алган, бирок күнөөлүү эмес экенин айтып келет.

Учурда тергөө иштери уланууда.