35 жаштагы орусиялык дарбазачы "Ак шумкарлардын" катарына кошулду

Тулалык "Арсенал" клубунун 35 жаштагы дарбазачысы Антон Коченков футбол боюнча Кыргыз улуттук курамасына кошулууну чечип, Кыргыз жарандыгын алды. Бул тууралуу башкы машыктыруучу Александр Крестинин Матч-ТВ телеканалына берген маегинде айтты.

"Менин оюмча, тажрыйбалуу дарбазачы Антон Коченков тууралуу азыртадан эле айта берсек болот. Анын Кыргыз жарандыгы боюнча маселе чечилди, эми кийинки беттештерде ойноону пландап жатабыз", - деди Крестинин.

Антон Коченков Бишкек шаарында төрөлгөн. Ал Москванын белгилүү "Локомотив" футбол клубунун бүтүрүүчүсү. Ал Орусиянын "Волга", "Ростов", "Спартак", "Краснодар" жана "Томь" сыяктуу командаларында ойногон.