Темир Сариев быйылкы жаңы бюджет социалдык багыттагы бюджет болорун билдирди

Жогорку Кеңештин Бюджет жана финансы боюнча комитетинин 9-декабрдагы кеңейтилген жыйынында “КРнын 2014-жылга республикалык бюджети жана 2015-2016-жылдарга болжолу жөнүндө” мыйзам долбоору каралып, киреше бөлүгүнүн негизги көрсөткүчтөрү кайрадан такталууда.

Жыйынга Жогорку Кеңештин депутаттары, вице-премьер-министр Жоомарт Оторбаев баштаган өкмөт мүчөлөрү, мамлекеттик органдар менен мекемелердин жетекчилери, жарандык коом өкүлдөрү катышып жатат.

Экономика министри Темир Сариев жаңы бюджет социалдык багыттагы бюджет болорун айтты. Мисалы, 2013-жылы бул багытта каралган каражат жалпы каржынын 45 пайызын түзсө, 2014-жылы 52 пайызга жетери болжолдонууда. Жаңы бюджет долбоору кабыл алынганга чейин дагы кошумча каржы булактары караштырылып жаткандыгын билдирди. Ал булактар табылар замат бюджеттин кирше бөлүгүнө кошулуп турат.