Ноокатта 7 жаштагы баланы урган окуя боюнча териштирүү жүрүүдө

Ош облусунун Ноокат районунун аймагындагы тамактануучу жайда 7 жаштагы баланы урган окуя боюнча териштирүү жүрүп жатат. Бул тууралуу Ош ОИИБи тарабынан маалым болду.

27-январда интернетте Ноокаттын аймагында жаш баланы белгисиз жаран уруп жаткан видео жарыяланган.

Аталган факты маалыматтардын электрондук журналына катталып, териштирүү иштери башталган.

Билдирмеге ылайык, 26-январь күнү саат 19:20 чамасында Ноокат районунун А.Мирмахмудов айыл аймагынын тургуну 7 жаштагы М.А.ны Ноокат шаарынын борбордук базарында жайгашкан “Элдос” кафесинде 30 жаштагы Ноокат районунун Кеңеш айыл аймагынын тургуну О. уулу Т. уруп, денесине жаракат келтирген.

7 жаштагы балага карата соттук-медициналык экспертиза дайындалып, текшерүү иштери жүргүзүлүп жатканы маалымдалды.

Кошумча маалымат берилет.