Новопокровкадагы Чоң Чүй каналына эркек адам түшүп кетти

Бишкектин четиндеги Новопокровка айылындагы Чоң Чүй каналына эркек адам түшүп кетип изделип жатат. Бул тууралуу Өзгөчө кырдаалдар министрлигинин басма сөз кызматы билдирди.

"Чоң Чүй каналына 1968-жылы туулган В.А. аттуу эркек киши түшүп кеткендиги тууралуу маалымат 102 кызматынан түшкөн. Жерине 7 куткаруучу, 1 жел кайык, ИИМден 5 кызматкер, туугандарынан 3 адам тартылып, издөө иштерин жүргүзүшүп, издөө иштери убактылуу токтотулган, натыйжа болгон эмес.

Бүгүн, 2-февраль күнү издөө иштерин улантуу максатында 8 куткаруучу жана жел кайык тартылды. Кошумча маалымат берилет", - деп билдиришти ӨКМдан.