АКШда кооптуу зат ташыган поезд өрттөнүп кетти

АКШнын Огайо штатында кооптуу заттарды ташыган жүк ташуучу поезддин 50гө жакын вагону рельстен чыгып кетип, өрт чыкты. Бул тууралуу чет элдик басылмалар жазышты.

Малымдалгандай, окуя жума күнү кечинде болгон. Ал эми кырсыктын себеби азырынча тактала элек.

Жалпысынан 100дөн ашык вагондун 20сында тез күйүүчү жана айлана-чөйрөгө коркунуч туудурган уулуу винилхлорид заты жүктөлгөн. Учурда адистер кооптуу заттар салынган вагондордун кайсынысы бузулганын тактап жатышат.

Белгиленгендей, эң чоң тынчсызданууну жаратып жатат. Андыктан өрт өчүрүүчүлөр атайын уруксат алмайынча вагондордун жанына бара албайт.

Учурда жабыркагандар тууралуу маалымат жок.