Түркиядагы кийинки катуу жер титирөө кайсы жерде болушу мүмкүн экени айтылды

Түркияда кезектеги масштабдуу жер титирөө Дарданел дарыясынын жээгиндеги Чанаккале порт шаарына жакын жерде болушу мүмкүн. Бул тууралуу РИА Новостиге түрк сейсмологу Доган Перинчек билдирген.

Анын айтымында, болжол менен 250 жылда бир жолу аталган аймакта күчү 7 баллга жакын катуу жер титирөө болуп турат, акыркысы 287 жыл мурун болгон.

"Убакыт келди, жер титирөө каалаган учурда башталышы мүмкүн. Мрамор деңизинде жасаган байкоолорум бул божомолду ырастайт.

10 жылдан ашык убакыттан бери атайын карталардын жардамы менен өлкөдөгү сейсмикалык активдүүлүккө күн сайын мониторинг жүргүзүү жана анализдөө менен алектенип келем. Үч жылдан бери Чанаккаледе жер титирөөнү алдын ала айтып келем", - деген ал.

Ошондой эле ал Түркиядагы жер титирөө аянты боюнча Түркиянын тарыхында биринчи жолу болгонун белгилеген.

Акыркы маалыматтар боюнча Түркиядагы жер титирөөдөн каза болгондордун саны 20 миңге чукулдады.