Жантөрө Сатыбалдиев өлкөдө бардык мамлекеттик ишканалар банкрот дегенге кошулбайт

Кыргызстанда бардык мамлекеттик ишканалар банкрот болду деген туура эмес. Муну бүгүн, 9-декабрда ЖКнын Бюджет жана финансы боюнча комитетинин кеңейтилген жыйынында премьер-министр Жантөрө Сатыбалдиев айтты. “Мисалы, Майлы-Суудагы лампа заводу ийгиликтүү иштеп жатат. Айдаркен сымап комбинаты жакшы иштөөдө”,- деп мисал келтирди премьер. 

Эскерте кетсек, буга чейин айрым депутаттар миллиондогон карызы бар “Кыргызкөмүр”, “Кыргызтелеком”, “Кыргызгаз” ишканаларын банкрот деп аташып, мамлекеттик ишканалардын дээрлик баары банкрот абалына кептелгенин айтышкан болчу.