Бишкекте чет элдик жаранды тоноого шектүү кармалды

Аламүдүн районунда чет элдик жарандын уюлдук телефонун күч колдонуп тартып алууга шектүү жаран кармалды. Бул тууралуу Чүй облустук ички иштер башкармалыгынын басма сөз кызматы билдирди.

Билдирүүгө ылайык, 11-февраль күнү милицияга Азербайжандын жараны арыз менен кайрылган. Арызында ал 2001-жылы туулган мекендеши А.Г. аттуу жарандын уюлдук телефонун тартып алган Влад аттуу жаранга чара көүп берүүнү суранган.

Бул факты боюнча кылмыш иши козголуп, кылмышка шектүү катары 1995-жылы туулган В.В. аттуу жаран кармалды. Ал убактылуу кармоочу жайга киргизилди.

Учурда тергөө иштери уланууда.