Атамбаевдин камактан бошотулушу: Сот билдирүү жасады

Экс-президент Алмазбек Атамбаевдин өлкөдөн чыгып кетишине байланыштуу ММКда жана социалдык тармактардагы жарандардын көптөгөн билдирүүлөрүнө байланыштуу Биринчи Май райондук соту билдирүү жасады.

Соттун билдирүүсүндө Бишкек шаарынын Биринчи Май райондук сотунда Атамбаев айыпталуучу катары өтүп жаткан эки кылмыш иши каралып жаткан.

Биринчи кылмыш иши - 2019-жылдагы Кой-Таш окуялары боюнча, экинчиси - 2010-жылдагы июнь окуялары боюнча иш.

"Атамбаевдин 2019-жылдагы Кой-Таш окуялары боюнча кылмыш иши боюнча кылмыш-жаза процессуалдык кодексинде белгиленген бир жылдык камакка алуу мөөнөтү аяктаган. Азыркы учурда бул кылмыш иши жабырлануучулар менен күбөлөрдү суракка алуу стадиясында турат, бул иш боюнча сот өз өкүмүн чыгара элек. Иш боюнча айыпталуучулар толук акталды деген пикирге келүү эрте.

Алмазбек Атамбаевге карата жогоруда көрсөтүлгөн кылмыш иштери боюнча бөгөт коюу чарасы тандалган эмес, анткени ал А.Батукаевди мыйзамсыз бошотуу фактысы боюнча кылмыш иши менен чыккан соттун өкүмүнүн негизинде жазасын өтөп жаткан. А.Батукаевди мыйзамсыз бошотуу фактысы боюнча иш жаңы кароого түштү", - деп билдиришти Жогорку Соттон.

Эскерте кетсек, 14-февралда мурдагы президент Алмазбек Атамбаев соттун чечими менен эркиндикке чыккан. Ал эртеси, 15-февраль күнү үчүн чет өлкөгө учуп кеткен.